Dec 16, 2012

ಬಿಂಬ – 82



ಕಾವ್ಯದ ನಶೆ ನಿರಂತರ

Nov 13, 2012

ಬೆಳಕಿನ ಹಬ್ಬ



ಮಾಸದ ಬೆಳಕಿಗೆ ವರುಷದ ಹಂಗೇಕೆ?
ಒಲುಮೆಯ ಹೊಳೆಯು ಕತ್ತಲಿಗೆ ಕಾಯಬೇಕೆ?
ಬಯಸಿದ ಹಾದಿಗೆ ಬೆಳಕಿನ ಬೆಂಬಲವಿರಲು,
ಜೊತೆಯಲಿ ಚಣಗಳ ಸವಿಯುತ ಸಾಗೋಣ. 

Sep 28, 2012

ಬಿಂಬ - 81



ಸಾಹಿತ್ಯ ಸಾಧಕನ, ಸಾಮಾನ್ಯನ ಸಾಮರ್ಥ್ಯಕ್ಕೆ ಸಾಧನ ಮತ್ತು ಸವಾಲು. 

ಹೀಗೊಂದು ಪ್ರಶ್ನೆ?



ನನ್ನ ಕಷ್ಟಗಳು ಕರಗಿಹೋಗಿದ್ದು
ಕ್ಲಿಷ್ಟ ಕಾಲದಲ್ಲಿ ನಗುವುದು
ಕಲಿಸಿದ ಅಮ್ಮನಿಂದಲೋ,
ಇಲ್ಲಾ ಅವಳ ಕಿರುನಗೆಯಿಂದಲೋ?

Sep 24, 2012

ಬಿಂಬ: 76 – 80



ಬಿಂಬ - 76
ಹೊಂಗೆ ನೆರಳಲಿ ನಲಿವ ನಕ್ಷತ್ರ ನುಸುಳಿದ ಕಿರಣ
ಬಿಂಬ - 77
ಮೌನ ಮೀಟಿದಷ್ಟು ಮಾತು ಮಥಿಸಲಾರದು
ಬಿಂಬ - 78
ಬೊಜ್ಜಿಗಿಂತ ಬೆಟ್ಟ ಕರಗಿಸುವುದೇ ಸಲೀಸು
ಬಿಂಬ - 79
ಅವಳ ಮಾತು ಮುತ್ತು, ಮೌನ ಮತ್ತು
ಬಿಂಬ - 80
ಕವಿಗೆ ಕಲ್ಪವೃಕ್ಷ ಮದ್ಯ, ಇಲ್ಲವೇ ಪದ್ಯ

Jul 6, 2012

ಅಂತರಂಗದ ಅಡ್ಡಿ



ನಾನೆಂಬುದು ನರಕ
ಹೆಸರಿಲ್ಲದ ಇರುವೆಗಿಲ್ಲವೆ?
ಸಖ, ಸುಖ
ನಮ್ಮದಾಗಿರುವಾಗ  ಜಗ
ಹೆಸರಿಗಿರಬೇಕೆಂಬ ಜಾಡ್ಯ
ಕೋಟಿ  ಕಸರತ್ತು ಕಣದಲಿ
ಬೇಕೆ ಸೋಲು, ಗೆಲುವುಗಳ ಆಟ,
ಭ್ರಾಂತಿ, ಭ್ರಮೆಗಳ ಕಾಟ?
ನಾನೆಂಬ ತೊಡಕಿಗೆ ಬೇಕೆ
ಕಪಟ, ಕಿರೀಟ?
ಕ್ಷುಲ್ಲಕ ನೆವಗಳಿಗೆ
ಬರಿದಾಗಬೇಕೆ ಯಾನ?
ಸಾಗರವ ಕಡೆಗಣಿಸಿ,
ಹನಿಗಳ ಅಟ್ಟಿಕೊಂಡು
ಸಾಧಿಸುವ ಧಾವಂತ
ಕಳೆದು ಹೋಗುವೆವು ಚಣದಿ
ಹೆಜ್ಜೆಗಳೂ ಹೇಸುವಂತೆ
ಹೆಸರಿಲ್ಲದೆಡೆಗೆ