Nov 4, 2017

ಮೌನ


ಮೌನ -
ಯಾರಿಗೂ ಎಟುಕದ ಅಂಬರ
ತೆರೆದಿಟ್ಟು ಸಾಧ್ಯಾಸಾಧ್ಯತೆಗಳ ಆಗರ
ಎಲ್ಲಾ ಆಯಾಮಗಳ ಲೆಕ್ಕಕ್ಕೆ ಕೊಲ್ಲಿಯಿಟ್ಟು,
ಸಕಲರ ಸಾಮರ್ಥ್ಯಕ್ಕೆ ಸೆಡ್ಡೊಡೆದು, ಸೋಲಿಸಿ,
ಸೇಡು ತೀರಿಸಿಕೊಂಡ ಅಗಾಧ ತೃಪ್ತಿ ತೋರಿ
ಗುಮ್ಮನಂತೆ ಸುಮ್ಮನಿರುವೆ.

ಮೌನ -
ನಿರಾಳಕ್ಕೆ ಭಂಗ ತರದಿರು
ದಯವಿಟ್ಟು ತುಸು ಕರುಣಿಸು
ಮನುಜನಿಗೆ ಮಾನವೀಯತೆಯ ರಿಯಾಯಿತಿ ಅಗತ್ಯ
ಪ್ರತಿಷ್ಠೆಗೆ ದಕ್ಕೆಯಾಗದಂತೆ ಸಹಕರಿಸು
ವಾಸ್ತವದ ಅರಿವಿದ್ದರೂ,
ಒಳಗೊಳಗೆ ಅದನ್ನೊಪ್ಪಿಕೊಳ್ಳುವ ಇರಾದೆಯಿದ್ದರೂ
ಸಹ ಸದ್ಯ ಸಿದ್ದನಿಲ್ಲ.
ಬಲ್ಲೆ ನಿನ್ನ ಎಲ್ಲಾ ಎಲ್ಲೆಗಳ ಆಳ, ಅಗಲಗಳ
ಎಂದು ಹೇಳುವ ಸ್ಥೈರ್ಯವಿನ್ನೂ ಎನಗಿಲ್ಲ.

ಮೌನ -
ನಿನ್ನೊಳಗೆ ಅನಂತಾನಂತ ನಕ್ಷತ್ರಗಳ ಸಂಗಮ,
ಆದರೂ ನೀನು ಎಲ್ಲರೊಳಗಿನ ಬುದ್ಧ.
ಅವರವರ ಭಾವ, ಭಕ್ತಿ, ಬುದ್ಧಿಗೆ ಸಿದ್ದಿಸುವ ಸೂತ್ರಕ್ಕೆ ಬದ್ಧ.
ಸತ್ಯಾಸತ್ಯತೆಗಳ ಕಲಕುವ ಕುಲ ನಿನ್ನದಲ್ಲ
ಕ್ಷುಲ್ಲಕ ಕಲಹ, ಕ್ಷುದ್ರ ವಿದ್ಯೆಯ ತಂತ್ರಗಳ
ಸಹವಾಸ ಬೇಕಿಲ್ಲ.
ಸುಮ್ಮನಿರುವೆ, ಸೂರ್ಯ, ಚಂದ್ರ ಬದಲಾದರೂ
ಅಲುಗಾಡದಂತೆ ತಟಸ್ತನಾಗಿ.

ಮೌನ -
ಕೈಮುಗಿದು ಮಂಡಿಯೂರಿದೆ
ನಿನ್ನ ಮುಂದೆ ಎಲ್ಲಾ ದೇಶ-ಕಾಲ
ಬೇಷರತ್ ಶರಣಾಗತಿ ಘೋಷಿಸಿ ವಿನಮ್ರ ಸೈನಿಕ, ಸೇವಕನಾಗಿ
ತನ್ನ ಗ್ರಹಗತಿಗಳ, ಗದ್ಯ-ಪದ್ಯಗಳ, ಸಾಧನೆ, ಸಂಪತ್ತುಗಳ 
ಅಸಹಾಯಕನಾಗಿ ಉಳಿಸಿಕೊಳ್ಳುವ ಅನಿವಾರ್ಯತೆ.
ಇನ್ನೂ ಬರಲಿ ಸಹಸ್ರ ಶತಮಾನಗಳು
ನಿನ್ನ ಗೆಲ್ಲುವ ಶೂರನಿಗೆ ಸಾಧ್ಯತೆ ಶೂನ್ಯ
ಇಂತಿರಲು ನಿನ್ನ ಇತಿಹಾಸ
ಉಳಿದೆಲ್ಲವೂ ನಗಣ್ಯ.


-  ಚಂದಿನ

4 comments:

Hi Tech Air Cool Engg (Ac Amc Repair Service Center) said...

Hi Tech Air Cool Engg (Ac Amc Repair Service Center)

http://www.hitechairconditioning.in/


We Repair all type of ac repair in vadodara

शायरी मेरे प्यार की said...

https://www.shayarimerepyarki.com

शायरी मेरे प्यार की said...

शायरी मेरे प्यार की

Aaj ki taja khabar 2021 said...

Sir आपने बहुत अच्छे से Rahat indori Shayari post Explain कि हैं। Very Nice post