Apr 1, 2008

ನೆಲಕೆ ನೆಲೆ

ನೆಲಕೆ ನೆಲೆಯಿಲ್ಲದೆ ನರಳುತಿದೆ
ಅತಿಯಾಗಿ ರಸಗೊಬ್ಬರ ಸುರಿದು
ಸಾರವನ್ನೆಲ್ಲಾ ಹೀರಿ ಬೆಂಡಾಗಿ
ಬಾಡಿ ಬರಡಾಗಿ ಬಾಯಿ ಬಿಟ್ಟಿದೆ

ಅವ್ವನ ಹಸಿವ ಬಲ್ಲವರು ಎಲ್ಲಿ
ಕೊರಳಿನ ಕೂಗು ಕೇಳಿದವರೆಲ್ಲಿ
ನೋವಿನ ತಿರುಳು ತಿಳಿದವರೆಲ್ಲಿ
ಮೌನವಾಗಿ ಮರುಗುತಿಹಳು

ಬೋರು ಕೊರೆದು ರಕ್ತ ಎಳೆದು
ಕೃತಕ ಹಸಿರು ಹರಡಿ ಹರುಷಕೆ
ಮತ್ತೆ ಹರಡಿ ಮತ್ತೆ ಅಳಿಸಿ ಅದೇ
ಅಮಾನುಷ ಅಮಾನವೀಯತೆ

ಅಸ್ತಿತ್ವದ ಆಳಕೆ ಹಾನಿಯಾಗಿ
ದಾಹ ನೀಗಲು ಸಿಗದು ನೀರು
ಧಣಿದ ದೇಹಕಿಲ್ಲ ಹನಿ ಬೆವರು
ಭಾರವಾಗಿ ಎಳೆದೆಳೆದು ಉಸಿರು

1 comment:

Anonymous said...

ಚೆನ್ನಾಗಿದೆ.

ಶಿವು