ಅಲ್ಲಿಗೆ ಹತ್ತಿರ

ಅಲ್ಲಿಗೆ ಹತ್ತಿರ ಇಲ್ಲಿಗೆ ದೂರ
ಬಂದು ಹೋಗುವ ನಡುವಿನ ಅಂತರ
ನಾನಾ ಅವತಾರ
ಇದುವೇ ಇಲ್ಲಿನ ಚಮತ್ಕಾರ

ಬಿದ್ದ ಕ್ಷಣದಿಂದ
ಬಿಡುವ ಕ್ಷಣದವರೆಗೂ
ತಿಳಿಯದಾಗಿದೇ ಈ ಸಾಗರ
ತಿಳಿಸಲಾಗದೇ ಶಂಕರ

ಪಡೆದುದೆಲ್ಲಾ ಪಡೆಯುವವರೆಗೆ
ಪಡೆದ ಮೇಲೆ ಬೇರೆಯೆಡೆಗೆ ,
ಬಿಟ್ಟಮೇಲೆ ಬೇರೆಯವರಿಗೆ
ಪಡೆದು ಪಡೆಯದೆ ಪಡೆದೆನೆಂಬುವೆ
ಪಡೆದುದೇನೋ ನರಹರ

ದಿನವು ಹತ್ತಿರ ದಿನವು ದೂರ
ದೈತ್ಯನಾಗುವ ಬಯಕೆ ಭಾರ
ನಾಳೆ ನಾಳೆಗಳಾಚೆ ಬಾರ
ಇರುವುದಿಂದೇ ನಿಜವೊ ಶೂರ

ದೀನ ದಾನವ ದೇವನಾಗು
ದಣಿದ ದೇಹಕೆ ದಾಸನಾಗು
ಇಹದ ಪರಿಗಳ ಅರಿತು ಅರಸನಾಗು
ಅಗು ನೀನು, ನೀನು ನೀನಾಗು