ನನಗೆ ನಾ ಹಿಡಿದ ಕನ್ನಡಿ*

ಯಾರದೋ ಕನಸಿನೊಳಗಿನ
ಪುಟ್ಟ ಪಾತ್ರ, ನನ್ನ ಕನಸು
ಯಾರದೋ ನಿರ್ದೇಶನದ ಕಲ್ಪನೆಗೆ
ನಾನಾಗುವೆ ನಿತ್ಯ ಉಸಿರು.

ಯಾವುದೋ ಬೃಂದಾವನ, ಯಾರದೋ ನಂದನವನ
ಕನಸಿನೊಳಗೊಂದು ಕನಸು
ಆ ಕನಸೇ ನನ್ನ ಕಲ್ಪನೆಯ ಕೂಸು,
ಅದೇ ನನಗೆ ನಾನು ಹಿಡಿದ ಕನ್ನಡಿ.

ಸುಳಿದಾಡುವ ಸುಂದರಿಯೆಡೆಗೆ
ಸಾವಿರಾರು ಕಣ್ಣು, ಆ ಹಂಬಲದ ತೇರು
ಎಳೆಯಲು ತುಂಟರ ಕಾತುರ,
ಕಲಹ, ಕೊಲೆ, ವಿಷಾದ.

ವಿಭಿನ್ನ ಕಲ್ಪನೆ, ವಿಶಿಷ್ಟ ಕನಸೆಂಬ ಭಂಡತನ
ನಡೆ, ನುಡಿ, ಹಾದಿ ಎಲ್ಲವೂ ಹಾಗೆ
ಅನುಕರಣೆ ಅಸ್ಧಿತ್ವದ ವಿನಾಶಕ್ಕೆ ಹೊಣೆ
ಇಲ್ಲ ಎಲ್ಲೂ ಸ್ಪಷ್ಟ ಮಾನದಂಡ.