Aug 2, 2008

ದಿವ್ಯ ಮಿಲನ

ಕದವ ತೆರೆದು ಹೊಳೆವ ಮೊಗದಿ
ಅರಳಿ ನಿಂತಿದೆ ಸಂಪಿಗೆ
ಬರುವುದೆಂತೋ ದುಂಬಿ ಹಾರಿ
ದಿವ್ಯ ಮಿಲನದಂಚಿಗೆ

ವಿರಹ ವೇದನೆ ಉಕ್ಕಿ ಬರಲು
ಸುಗಂಧ ಪರಿಮಳ ಸೆಳೆದು ತರಲಿ
ಒಳಗೆ ಮಿಂದು ತೇಲಿ ಹಾರಲಿ
ಎದೆಯಾಳದ ಕಡಲ ತೀರದಲ್ಲಿ

ಗೆಳೆಯ ಬರುವನು ಈಗಲೇ
ತೇಲಿ ಬಿಡುವೆನಾಕ್ಷಣದಲೇ
ದಾರಿ ತಪ್ಪಿ ತಡವಾಗದಿರಲಿ
ಕಾದಿರುವೆ ನಲ್ಲ ತುದಿಗಾಲಲಿ

ಸುರಿವ ಮಳೆಯೇ ಸುಪ್ರಭಾತ
ಬೆಳಗಿ ತಾರೆಗಳಿಂದ ಸ್ವಾಗತ
ಮರೆತಾಗ ಕರೆಯುವ ಚಂದಿರ
ನೀನೋಡಿ ಬಾರೋ ಹತ್ತಿರ

ಕೆರಳಿರುವ ಕುತೂಹಲ ಕರಗದಿರಲಿ
ಅರಳಿರುವ ನಗುವು ಬಾಡದಿರಲಿ
ಕಳೆದ ಕ್ಷಣಗಳು ಕಾಡದಿರಲಿ
ಈ ನಿರೀಕ್ಷೆ ಹುಸಿಯಾಗದಿರಲಿ

No comments: