Mar 28, 2008

ಸೂರ್ಯ ಚಂದ್ರ

ಸೂರ್ಯ ಚಂದ್ರ ಆಗಸಕೆ
ನಾನು ನೀನು ಭೂರಮೆಗೆ
ನಾವು ಅವರಿಬ್ಬರ ಒಟ್ಟಿಗೆ
ಇದ್ದರೂ ಇರದ ಹಾಗೆ

ರವಿ ಮೂಡಿ ಬರಲು ಕರಗುವ
ಚಂದಿರನ ಒಡಲು ಹಗಲಿನಲಿ
ಬೆಳದಿಂಗಳ ತಂಪಿನಲಿ ನಲಿವ
ಸುಖನಿದ್ರೆಗೆ ಅವನು ಜಾರುವ

ಹೊಂದಾಣಿಕೆಯ ಸೂತ್ರದಿಂದ
ಮುರಿವ ಮಾತೇಕೆ ಅನವರತ
ವರುಷ ನಿಮಿಷಗಳಷ್ಟೇ ಇವಕೆ
ಭಿನ್ನತೆಗಳಿಗೆ ಗೌರವದ ಒಪ್ಪಿಗೆ

ಹೆಜ್ಜೆ ಹೆಜ್ಜೆಗೂ ನಡೆದು ಜೊತೆಗೆ
ಮುಂಚೂಣಿ ಮಾತ್ರ ಒಬ್ಬರಿಗೇ
ಅವರವರ ಕ್ಷೇತ್ರಗಳ ಅರಿವಿರಲು
ಒಬ್ಬರು ಹಿಂದೆ ಒಬ್ಬರು ಮುಂದೆ

No comments: