ಹನಿಗಳು – 3

- 1 -
ಗುಡುಗು, ಮಿಂಚು,
ಸಿಡಿಲು,
ಗೆಳತಿ
ನಿನ್ನ ಮೊಬೈಲ್
ಬಿಲ್ಲು.

- 2 -
ಸೀರೆಯಲ್ಲಿ
ಸೆರೆಯಾದರೆ
ನೀ ಸಕ್ಕರೆ,
ಸೆರೆಯೇರಿಸಿ
ಬಳಿ ಬಂದರೆ
ನಿನ್ನ ತಕರಾರೆ?

- 3 -
ನೊರೆಯುಕ್ಕಿದ
ತಂಪು ಬಿಯರಿನಂತೆ
ಒಗರು,
ನೀನ್ನುಕ್ಕಿಸುವ ಬೆಚ್ಚಗಿನ
ಬೆವರು.

- 4 -
ಕಾದ ಕಾವಲಿ
ಮೇಲೆ ಬೆಣ್ಣೆಯಷ್ಟೇ
ವೇಗವಾಗಿ,
ನಿನ್ನಲ್ಲಿ ಕರಗಿ ಹೋಯಿತಲ್ಲೇ
ನನ್ನ ಯೌವನ.

- 5 -
ನಶೆ ಏರಿದ ನಂತರ
ನೀ ಕಾಣುವೆ ಸುಂದರ,
ಇಲ್ಲದಿದ್ದರೆ ನಮ್ಮ ನಡುವೆ
ಭಾರಿ ಕಂದರ.

- 6 -
ಕುಡಿಯುವುದು
ಬಿಡಲೇ ಬೇಕೆಂದು
ನೀನು ಹಂಬಲಿಸುವೆ,
ನಿನ್ನ ಬಿಡಲೇ ಬೇಕೆಂದು
ದಿನಾ ಕುಡಿಯುವೆ.

- 7 -
ಮೊದಲ ವಾರದಲ್ಲೇ
ಖಾಲಿ ನಿನ್ನ ಪ್ರೀತಿ,
ಕೊನೆಯ ವಾರದವರೆಗೂ
ನನಗೆ ಭಾರೀ ಭೀತಿ.

- 8 -
ಇಸ್ಪೀಟು ಆಡಿದರೆ
ಸರ್ವನಾಶವೆಂದೇಕೆ
ನೀ ಜರಿಯುವೆ.
ನಿನ್ನ ಮದುವೆಯಾದ
ಕೂಡಲೆ ನಾಶವಾದೆನೆಂದು
ನಾನರಿತಿರುವೆ.

- 9 -
ಮಿಸ್ಡ್ ಕಾಲ್ಸ್ ಕೊಡುವುದು
ನಿನ್ನ ಅಭ್ಯಾಸ,
ಪ್ರತಿ ಕರೆ ನೀಡದಿರುವುದು
ನನ್ನ ದುರಭ್ಯಾಸ.

- 10 -
ಕುಡಿದಾಗ ಮಾತ್ರ
ನವಾಬ,
ಇಲ್ಲವಾದರೆ ನಾನೂ
ಗರೀಬ.