ಸದಾ ನಮಗಿರಲಿ

ದಿನವು ಹೊಸತು ಹೊಸತು ಬರಲಿ
ಹಳೆಯ ನೆನಪುಗಳ ಸುಳಿಯದೆ
ಉಲ್ಲಾಸ, ಉತ್ಸಾಹ ಕುಂದದೆ
ಹುಡುಕಾಟ ಕೊನೆವರೆಗು ಸಾಗಲಿ

ಕಲ್ಪನಾ ಲಹರಿ ಕೊನೆಯಾಗದೆ
ಸೃಜನಶೀಲ ಮನ ಮಟುಕಾಗದೆ
ಕಂಡ ಕನಸುಗಳು ಕಾಣದಾಗದೆ
ಅವತರಿಪ ಆಸೆಗಳಿಗೆ ಕಡಿವಾಣವಿಟ್ಟು

ಅರಿವಿನ ಹಸಿವು ಹುಚ್ಚೆದ್ದು ಕುಣಿದು
ಒಲ್ಲದ ವಿಷಯಗಳು ತಲೆ ಕೆಡಸದೆ
ಬಲ್ಲವರ ಬಳಿಗೆ ಬಾಗಿಲು ತೆರೆದು
ಕೇಡುಗರ ಕಣ್ಣೋಟ ಬೀರದಿರಲಿ

ಅಧಿಕ ಐಶ್ವರ್ಯ ಎಂದಿಗೂ ಸಿಗದೆ
ಮಾನವೀಯತೆ ಸದಾ ಬೆಳಗುತ್ತಾ
ಸರಳತೆ ಬೇರುಗಳು ಸಡಿಲವಾಗದೆ
ಆರೋಗ್ಯದ ಐಶ್ವರ್ಯ ಸದಾ ನಮಗಿರಲಿ
****