ಕೇಳೋ ಶಿವ

ಅನಿಸಿಕೆಗಳ ಬಿಡಿಸಿಡಲು
ಅಪ್ಪಣೆಯು ಅನಿವಾರ್ಯವೇ
ನನ್ನೊಳಗಿರುವ ನನ್ನನು
ಕಾಣಲು ಕಾರಣದಗತ್ಯವೆ

ಆವಿಷ್ಕರಿಸುವ ಆತುರಕೆ
ಪರಿಷ್ಕರಿಸುವ ತಂತ್ರದಿ
ವ್ಯಕ್ತಿ ಸ್ವಾಯತ್ತತೆಯನು
ಕಾಯ್ದುಕೊಳ್ಳುವ ಈ ಬಗೆ

ಸಂದಿಗ್ಧ ಪರಿಸ್ಥಿತಿಯಲಿರೆ
ವಿಕಾಸದ ವಿಸ್ತರಣೆಗೆ ಬಲ
ಆಳ, ಹಂದರ, ಅಗಲವೆಲ್ಲಾ
ಮನಸ್ಥಿತಿಗೆ ನೀಡುವ ಛಲ

ನನ್ನಲ್ಲಿ ನಾ ಹುಡುಕುತಿರುವೆ
ಕಳೆದುಕೊಂಡೇನೆಂದರಿಯದೆ
ಪಡೆದೆನೇನೇನೋ ತಿಳಿಯದೆ
ಸುಮ್ಮನೆ ಕುಳಿತಿರಲಾಗದೆ

ನನಗೆ ನೆಚ್ಚಿದ ಆಪ್ತರೆಲ್ಲರನು
ಜಗವ ತಿಳಿಸುವ ಗುರುವನು
ಒಲವು ನೀಡಿ ಸೆಳೆದವರನು
ಕೇಳೋ ಶಿವನವರ ಬಿಡನು