ಚೆಲುವಿನಾ ಸಿರಿ

ಸಿರಿಯೇನೆಂದರಿಯಲು ಸರಿ ದಾರಿಯ ನೆರಳು
ಕಹಿ ಬೇವಿನ ಚಿಗುರ ಸವಿಯುಂಡವನನೇ ಕೇಳು

ಚೆಲುವಿನಾ ಸಿರಿ ಹೊತ್ತು ನಲಿದಾಡುವ ತೇರು
ಬೆಳದಿಂಗಳ ಕಣ್ಣಲ್ಲೇ ಕಲೆ ಹಾಕುವೇ ಜೋರು

ನನ್ನ ಅಂದದ ಗಂಧ ತಿಳಿಸುವೇ ನಿನ್ನ ಕಣ್ಣಿಂದ
ಜಾರುತಿಹ ಮನವ ಸೆರೆಹಿಡಿವೆ ನೀ ಅದರಿಂದ

ಮರಳ ಮೇಲ್ದಂಡೆಯ ಹೊಂಗೆ ಮರದಡಿಯಲ್ಲಿ
ಉರಿಬಿಸಿಲನಟ್ಟಿ ಕರಿನೆರಳು ಕೊಡುವ ಸುಖದಲ್ಲಿ

ಸಂಜೆ ಕಾರ್ಮೋಡ ಸುರಿವ ಮಳೆಯಲಿ ತೋಯುತ
ಕೈ ಹಿಡಿದು ಜೊತೆ ನಡೆದು ಬಿಸಿಯುಸಿರನು ಹೀರುತ

ಮಂದ ಬೆಳಕಿನಲಿ ಮೆಲ್ಲ ಮಲ್ಲನೆ ಮಲ್ಲಿಗೆ ಮಳ್ಳಿ
ಇಡುವ ಕಚಗುಳಿಗೆ ಓಡಿತು ಚಳಿ ಸುತ್ತಿ ಹೂಬಳ್ಳಿ