ಅಲ್ಲಿರುವುದು ಮತ್ತೊಂದು ನೀಲಾಕಾಶ

ಅಲ್ಲಿರುವುದು ಮತ್ತೊಂದು ನೀಲಾಕಾಶ
ಎಂದಿಗೂ ಪ್ರಶಾಂತವಾಗಿ ಮತ್ತು ಆಕರ್ಷಕವಾಗಿ,
ಮತ್ತೆ ಅಲ್ಲಿರುವುದೊಂದು ಪ್ರಕಾಶಮಾನ ರವಿಕಿರಣ
ಅಲ್ಲಿ ಕತ್ತಾಲಾಗಿದ್ದರೂ ಸರಿಯೆ;
ಮಾಸಿದ ಕಗ್ಗಾಡಾದರೂ ಪರವಾಗಿಲ್ಲ, ಆಸ್ಟಿನ್,
ನಿಶಬ್ಧವಾಗಿರುವ ಹೊಲ, ಗದ್ದೆಗಳಾದರೂ ಸರಿಯೆ –
ಇಲ್ಲಿರುವುದೊಂದು ಪುಟ್ಟ ಕಾಡು,
ನಿತ್ಯ ಹಸಿರೆಳೆಗಳನ್ನೊತ್ತುಕೊಂಡು;
ಇಲ್ಲಿರುವುದೊಂದು ಕಂಗೊಳಿಸುವ ಬೃಂದಾವನ,
ಮಂಜು ಮುಸುಕದಿರುವ ಸ್ಥಳದಲ್ಲಿ;
ಹೊಳೆವ ಹೂವುಗಳಲ್ಲಿ,
ಕೇಳಿಸಿಕೊಳ್ಳುವೆ ರಮಣೀಯ ದುಂಬಿಯ ನಿನಾದ:
ಪ್ರೀತಿಯ, ನನ್ನ ಸೋದರನೆ,
ನನ್ನ ಬೃಂದಾವನದೊಳಗೆ ಬಾ!

ಮೂಲ ಕವಿಯತ್ರಿ: ಎಮಿಲಿ ಡಿಕಿನ್ಸನ್
ಕನ್ನಡಕ್ಕೆ : ಚಂದಿನ