ಒಪ್ಪಿಕೊಳ್ಳುವೆ

ಕೊನೆಗೂ... ಒಪ್ಪಿಕೊಳ್ಳುವೆ
ತಪ್ಪಿತಸ್ಥನೆಂದು
ಕ್ಷಮೆಯಾಚನೆಯೊಂದಿಗೆ.
ಬಗೆ ಬಗೆಯ ಮುಖವಾಡಗಳ
ಧರಿಸಿದ್ದೆನೆಂದು
ಸ್ನೇಹಿತರಿಗೊಂದು,
ಸಂಬಂಧಿಕರಿಗೊಂದು,
ಸಮಾಜಕ್ಕೊಂದು,
ಸಹೋದ್ಯೋಗಿಗಳಿಗೊಂದು,
ಮೇಲಧಿಕಾರಿಗೊಂದು,
ನಿನಗೊಂದು...
ಹಾಗೇ,
ನಾನು ಸಂಪರ್ಕಿಸಿದ
ಪ್ರತಿ ಆಕರ್ಷಕ ಬೆಡಗಿಗಾಗಿ ಒಂದು.
ಕೆಲವೊಮ್ಮೆ ದ್ರೋಹವೆಸಗಿದ್ದು ನಿಜ
ಆದರೆ ನನ್ನ ಆತ್ಮಸಾಕ್ಷಿಗೆ ದ್ರೋಹವೆಸಗಲಾಗದೆ
ಸಂಪೂರ್ಣ ಸೋತಿದ್ದೇನೆ.
ವಿಶ್ವಾಸಕ್ಕೆ ಅರ್ಹನಲ್ಲವಾದರೂ ಗೆಳತಿ
ದೈರ್ಯಮಾಡಿ ನನ್ನೊಳಗಿದ್ದ
ಕೆಟ್ಟ ಭೂತವನ್ನು ಈಗಷ್ಟೇ
ಹೊರಗಟ್ಟಿ, ನಿಟ್ಟುಸಿರಿಟ್ಟಿದ್ದೇನೆ!
ಸಾಧ್ಯವಾಗುವುದಾದರೆ ಕ್ಷಮಿಸು
ಇಷ್ಟವಾಗುವುದಾದರೆ ಶಿಕ್ಷಿಸು
ಆದರೆ,
ಆ ದೇವರನ್ನು ಮತ್ತು ನಿನ್ನನ್ನು ಬೇಡುವುದಿಷ್ಟೇ
ದಯವಿಟ್ಟು,
ನನ್ನಿಂದ ದೂರ ಹೋಗಬೇಡ.