ಮನಸೇ

ಮರೆಯಲೇಗೆ ಮನಸೇ
ನೀನಿಟ್ಟ ಪುಟ್ಟ ಪುಟ್ಟ
ಹೆಜ್ಜೆ ಪಳೆಯುಳಿಕೆ
ಹಾಗೇ ನಗುತಿದೆ

ಹನಿಯುತಿಹ ಮಳೆಗೆ
ಸೋಕಿ ಬೆವರ ಹನಿಯ
ಜೊತೆಗೆ ಕರಗಿ ತುಟಿಗೆ
ತಾಗಿತಲ್ಲ ನೆನಪಿದೆ

ಬಂಡೆ ಮೇಲೆ ಕೆತ್ತ ಹೆಸರು
ಉಸಿರಿಡಿದು ಒತ್ತಿ ಮೊಹರು
ಇಳಿಸಂಜೆ ಹೊಳೆವ ತಾರೆ
ಸಾಕ್ಷಿಯಾಗಿ ಉಳಿದಿದೆ

ದಿನಕೊಂದು ನೆವವ ಹೂಡಿ
ಅತ್ತ ಇತ್ತ ಮತ್ತೆ ನೋಡಿ
ಇತ್ತಲಿಂದ ಓಡಿ ಬಂದ
ಛಲವೇಕೆ ಇಂಗಿದೆ

ಮುನಿಸಿಂದ ಮುಷ್ಠಿ ಹಿಡಿದು
ಎದೆಯ ಮೇಲೆರಡು ಬಿಗಿದು
ಮೆಲ್ಲಗೆ ಅದಕೆ ಒರಗಿದೆ
ಮೆತ್ತಗೆ ಕಣ್ಣೀರ ಒರಸಿದೆ

ಮೌನವಾಗಿ ತಲೆಯ ತೂಗಿ
ನೂರು ಕನಸ ಕರೆಸಿದೆ
ಜಾಣೆ ನೀನು ಜರಿದರೇನು
ಮರೆಯಲೆಂದು ತಿಳಿಸಿದೆ