ನೀನಿದ್ದಂತೆ

ನೀನಿದ್ದಂತೆ ಇದ್ದುಬಿಡು ಶಿವನೆ
ನಿಶ್ಚಿಂತನಾಗಲು ಯತ್ನಿಸುತ
ಕುರುಡು ಅನುಸರಣೆ ತರವಲ್ಲ
ಗೆಳೆಯ ಇದು ಸೃಷ್ಠಿಕರ್ತನ ಆಜ್ಞೆ

ಯಾವುದೋ ಕಾರಣ ಬಂದಿರುವೆ
ಅರಿಯುವ ಪ್ರಯತ್ನದಲೇ ಇರುವೆ
ಜಯವು ನಿಶ್ಚಿತ ನಿನಗೆ ದೇವರಾಣೆ
ಸುಲಭವಲ್ಲ ನಿಜ ಹಾದಿ ಬಿಡಬೇಡ

ಮಗುವಾಗು, ಯುವಕ ನೀನಾಗು
ಮಧುಮಗನಾಗು ನೀ ಪತಿಯಾಗು ,
ಪಿತನಾಗು ಜೊತೆಗೆ ಮರೆಯದೇ
ಗೆಳೆಯ ನೀನಾಗು, ನೀನು ನೀನಾಗು

ಈ ದಿಶೆಯ ಪ್ರಗತಿಯಲೇ ಹಣತೆ
ಇಟ್ಟಂತೆ ಇದ್ದಕಡೆಯೆಲ್ಲಾ ಬೆಳಗುತ
ನೀನು ನೀನಾಗಿ ಕಷ್ಟಸಾಧ್ಯ ಆದರೂ
ಬೆಂಬಿಡದೆ ಮಾನವನಾಗಲು ಬಯಸಿ

ಇತಿಮಿತಿಗಳೊಂದಿಗೆ ಸ್ಪಷ್ಟನೋಟದ
ನೆರವಿಂದ ಅಡೆತಡೆಗಳನೋಡಿಸುತ
ದಿಟ್ಟ ಪರಿಶ್ರಮವಿರಲು ಪ್ರತಿಫಲದ
ಗೋಜೇಕೆ ಕಲಿತ ಪಾಠವಿದೆ ಯತ್ನಕೆ

ನೀನು ನೀನಾಗದಿರೆ ಎಂದೆಂದಿಗೂ
ಆ ಜಾಗ ಖಾಲಿಯಾಗಿಯೇ ಖಚಿತ
ನೀನಿಲ್ಲಿರುವ ಉದ್ದೇಶ ಸೋತಂತೆ
ಬಂಧು ನೀನಾಗು, ನೀನು ನೀನಾಗು