ನೆರಳು

ಹುಡುಕುತಿರುವೆ ಮತ್ತೆ ಮತ್ತೆ
ಯಾರ ನೆರಳು ಬಯಸುತಾ
ದೈವವಿತ್ತ ವರವ ಒಪ್ಪಿ ನೀನು
ಇರುವ ನೆರಳಲಿ ಸುಖವಕಾಣು

ನೇರವಲ್ಲ ನೀನಿರುವ ಜಗವು
ಸಿಗುವುದಿಲ್ಲ ನಿನಗೆ ನೆರವು
ಬಿಡದೆ ಬೀಸೋ ಬಲೆಗಳಲ್ಲಿ
ಸಿಗದೆ ಸಾಗು ಸಂಯಮದಲಿ

ಹಿಂದೆ ಎಂದೂ ನೋಡಬೇಡ
ಮುಂದೆ ಬರುವುದ ಬಿಡಬೇಡ
ಅಕ್ಕ ಪಕ್ಕ ಇರುವ ಹಸಿರನು
ನಿನ್ನದೆಂದು ತಿಳಿಯ ಬೇಡ

ಮೆತ್ತಗಿರುವ ಹೂವ ಹಾಸಿನ
ಕೆಳಗೆ ಮುಳ್ಳಿರಬಹುದು ಎಚ್ಚರ
ಜಡ ಮೊಗದವರೊಳಗೊಂದು
ಮಗುವಿರಬಹದು ತಿಳಿಯದರ

ದಿಕ್ಕುಗೆಟ್ಟವರಂತೆ ತೋರದಿರು
ಭಯವನೊಳಗೆ ಗಟ್ಟಿ ಕಟ್ಟಿಬಿಡು
ಉದ್ವೇಗಕೆ ಎಡೆ ಮಾಡಿಕೊಡದೆ
ನಡೆವ ಹಾದಿಯೆಂದು ಬಿಡದಿರು