ತವರೂರ ನೆನಪ

ತಂಗಾಳಿ ಬೀಸುತ ತಂದಿತು ತವರೂರ ನೆನಪ
ಸದಾ ಬೆಳಗುತಿರಲಿ ಆ ಮನೆಯ ನಂದಾದೀಪ

ಮನೆಯಂಗಳದಿ ಅಮ್ಮ ರಂಗೋಲಿಯ ಬಿಡಿಸಿ
ಒಳ ಹೊರಗೆ ನಿಲ್ಲದಲೇ ಎಲ್ಲರ ನಿದ್ದೆಯಿಂದೆಬ್ಬಿಸಿ

ನನ್ನಪ್ಪನಂದು ಪೇಟೆಗೆ ಹೊರಡುವ ಸಮಯ
ಪಟ್ಟಿ ಮರೆಯದಿರಿ ಎನುವ ಅಮ್ಮನ ವಿನಯ

ಆಕಳು ಬಿಡಿಸಿ ಹಾಲುಣಿಸುವುದು ತಮ್ಮನ ಕೆಲಸ
ಶಾಲೆಗೆ ಹೊರಡುವ ತಯಾರಿಗಿಲ್ಲ ಒಂದು ನಿಮಿಶ

ಕರಿಯ ಕಂಬಳಿಯೆಸೆದು ಹೊರಟ ಹಸುಗಳೊಂದಿಗೆ
ನೀರು ಹರಿಸಲು ತೋಟದ ಕಡೆಗೆ ಸನಿಕೆಯೊಂದಿಗೆ

ಬೆಲ್ಲದುಂಡೆಯ ಬಿಸಿ ಬಿಸಿ ಕಾಫಿ ನನ್ನಜ್ಜಿಯ ಕರೆದಿತ್ತು
ಹಗಲೆಲ್ಲ ಹಬ್ಬರಿಸಲು ಅವಳಿಗಿದರಿಂದ ಶಕ್ತಿ ಸಿಕ್ಕೀತು