Apr 26, 2008

ಛಲಗಾತಿ

ಛಲಗಾತಿ ನನ್ನೊಡತಿ ಮುನಿಸವಳ ಮೂಗುತಿ
ಕನವರಿಕೆ ನೆಪವಷ್ಟೇ ದಿಟ ನುಡಿದ ಮಾರುತಿ

ಮುಂಗೋಪ ಮುಖದವಳ ಸಿಡುಕು ಸಿಂಗಾರ
ಮಣಿಯುವೆನು ಜಾಣ ನನ್ನ ಬದುಕು ಬಂಗಾರ

ದೂರ ದೂರಕೇ ಇರಲಿ ಹಸಿರಾದರೇನಂತೆ
ಹತ್ತಿರವಿರುವ ಜಗವು ಅವಳ ನಿಯಮದಂತೆ

ದುಡುಕಿದರೆ ಮರುಕ್ಷಣವೇ ದಾರಿ ಕಾಣದಯ್ಯ
ಬಯಸಿ ಬೇಡಿದರು ಬಳಿಗೆ ಬೆಳಕರಿಯದಯ್ಯ

ಹುಲಿರಾಯ ನಾ ಹೊರಗೆ ಒಳಗೆ ಇಲಿಯಂತೆ
ಇದ್ದರಾಯಿತು ಗೆಳೆಯ ನನಗಿರದಾಗ ಚಿಂತೆ

ಶನಿವಾರ ಸಂತೆಗೆ ತಡಮಾಡಿದೆ ಬೇಕಂತೆ
ರವಿವಾರ ಖಚಿತ ನನ್ನ ಮುಖ ಬಾಡಿದಂತೆ

ಅಂದು ಮಂಗಳವಾರ ಮಡದಿ ಮನೆಯಲ್ಲಿಲ್ಲ
ಬಿಡದಿಯ ಬಸ್ಸತ್ತಿದವಳು ಮತ್ತೆ ಇಳಿದಿರಲಿಲ್ಲ

No comments: