ಸ್ಪರ್ಧೆ

ಭಾರಿ ಉದ್ದಗಲದ ಸ್ಪರ್ಧೆ
ಕದ್ದೆಲ್ಲರ ನಿದ್ದೆ
ಹಳ್ಳಿಗೂ, ಡೆಲ್ಲಿಗೂ
ಕೊಟ್ಟೊಂದು ಒದೆ

ವಿಲ ವಿಲ ವಿಲ ಒದ್ದಾಡುತ
ಇದೀಗ ದಡಕೆಸದ ಮೀನಂತೆ
ನೆಗೆದು ಬಿದ್ದರೇನಂತೆ
ನಗದು ಸಿಗುವುದಾದರೆ

ಯಾವ ಪರಿ ರಿಯಾಯಿತಿ
ಇಲ್ಲಿ ಸಲ್ಲದು
ಸಾಲ ಬೇಕೆ ಸಿಗುವುದು
ಸುಲಿಗೆ ಆನಂತರವಷ್ಟೆ

ಮಾಹಿತಿಗಷ್ಟೇ, ಖಂಡಿತ
ಇಲ್ಲಾ ಇಲ್ಲಿ ಸಾಲಮನ್ನಾ
ಕೇವಲ ರಾಜಕೀಯ
ಆಟವಷ್ಟೇ

ಸುಳಿಗೆ ಸಿಕ್ಕವರೆಷ್ಟೋ
ಲೆಕ್ಕಕೆ ಸಿಗದವರು
ಮುಖಭಾವದಿಂದೇನು
ತಿಳಿಸದವರು

ಕಾಲಹರಣ ಕಾಲದಲ್ಲಿ
ಆಗ ಕನಸು ಕಾಣಲು
ಸಹ ಸಮಯವಿತ್ತು
ಸ್ಪರ್ಧೆಗೂ ಸೀಮಿತ

ಕಾರ್ಯಕ್ರಮಗಳ ಮಂಥನ
ಕಾರ್ಯರೂಪದಲಿ ಮಗ್ನ
ಕನಸಿಗೆಲ್ಲಿ ಸಮಯ
ನಿದ್ದೆ ಕಾಣೆಯಾಗಲು

ವೇಗ ಹೆಚ್ಚಾದಂತೆಯೆ
ನಾಡಿ ಮಿಡಿತ ಕೂಡ
ಹೇಗೆ, ಎಲ್ಲಿ, ಏಕೆ ಎಂಬ
ಪ್ರಶ್ನೆಗಳು ಮೌನ