ಸೃಜನಶೀಲರ ಒಕ್ಕೂಟ

ಸಾಹಿತಿಗಳು, ನಟರು, ಕಲಾವಿದರು ಹಾಗು ಅಂಥಹವರು
ಇತ್ತ ಏನೂ ಗೊತ್ತಿಲ್ಲದವರೂ ಅಲ್ಲ, ಅತ್ತ ಪ್ರಖರ ಪಂಡಿತರೂ ಅಲ್ಲ.
ಶಿಲ್ಪಕಲೆಗಾರರು, ಹಾಡುಗಾರರು ಹಾಗು ಅಂಥಹ ವರ್ಗದವರು
ಅವರವರ ವೈಯುಕ್ತಿಕ ವಿಷಯಗಳನ್ನು ಕನ್ಯಾಕುಮಾರಿಯಿಂದ ಕಾಶ್ಮೀರದವರೆಗೂ ಹೇಳುತ್ತಾರೆ.
ನಾಟಕಕಾರರು, ಕವಿಗಳು ಹಾಗೇ ಅಂಥಹ ಕುದುರೆಗಳ ಕತ್ತುಗಳುಳ್ಳವರು
ಆರಂಭ ಎಲ್ಲಿಂದಾದರೂ ಮಾಡಲಿ, ಮುಗಿಸುವುದು ಮಾತ್ರ ಸಂಭೋಗದಲ್ಲಿ.
ಪತ್ರಕರ್ತರು, ವಿಮರ್ಶಕರು ಹಾಗೇ ಅವರ ಗುಂಪಿನವರು
ಹೇಳುವುದೇನೂ ಇರುವುದಿಲ್ಲ, ಮತ್ತೆ ಏನೂ ಇಲ್ಲವೆಂದು ಹೇಳುವುದೂ ಇಲ್ಲ
ನನ್ನ ಈ ಕ್ಲಿಷ್ಟ ಪರೀಕ್ಷೆಗಳನ್ನೂ ಮೀರಿದವರು ಏನಾದರೂ ಮಾಡಬಲ್ಲವರು
ದೇವರೇ, ಅಂಥಹ ವ್ಯಕ್ತಿಗಳಿಗೆ ಖಚಿತವಾಗಲೂ ಜೀವವಿಮೆ ಅತ್ಯಗತ್ಯ!

ಮೂಲ ಕವಿಯತ್ರಿ : ಡರೋತಿ ಪಾರ್ಕರ್
ಕನ್ನಡಕ್ಕೆ : ಚಂದಿನ