ಜನರ ಬಗ್ಗೆ ಮತ್ತಷ್ಟು

ಜನರು ಯಾವಾಗ ಪ್ರಶ್ನೆಗಳನ್ನು ಕೇಳುವುದಿಲ್ಲವೋ
ಆಗ ಅವರು ಸಲಹೆಗಳನ್ನು ನೀಡುತ್ತಿರುತ್ತಾರೆ
ಮತ್ತೆ ಇವೆರಡರಲ್ಲಿ ಯಾವುದನ್ನೂ ಮಾಡದಿದ್ದಾಗ
ಅವರು ನಿಮ್ಮ ಭುಜಗಳ ಮೇಲೆ ನೋಡುತ್ತಿರುತ್ತಾರೆ ಅಥವಾ ನಿಮ್ಮ ಹೆಬ್ಬೆರಳ ಮೇಲೆ ತುಳಿಯುತ್ತಿರುತ್ತಾರೆ
ಆಮೇಲೆ ನಿಮಗೆ ಕೋಪ ಬರಿಸಲು ಇದೆಲ್ಲ ಸಾಲದೆಂಬಂತೆ
ಅವರು ನಿಮ್ಮನ್ನು ಕೆಲಸಕ್ಕಿಟ್ಟುಕೊಳ್ಳುತ್ತಾರೆ.
ಯಾರಾದರೂ ಸುಮ್ಮನಿರುವಾಗ
ಎಲ್ಲರ ಕೆಂಗಣ್ಣಿಗೂ ಗುರಿಯಾಗಬೇಕಾಗುತ್ತದೆ.
ಇದು ತುಂಬಾ ಮುಜುಗರ ಉಂಟುಮಾಡುವಂತೆ ತೋರಬಹುದು
ಕೆಲಸ ಮಾಡುವವರಿಗೆ, ಕೆಲಸ ಮಾಡದವರನ್ನು ಕಂಡಾಗ,
ಅದಕ್ಕೆ, ಅವರು ಹೇಳುತ್ತಾರೆ ಕೆಲಸವೆಂಬುದು ಅದ್ಭುತ ಔಷದಿಯೆಂದು,
ಒಂದು ಕ್ಷಣ ಇವರನ್ನು ನೋಡಿ ಫೈರ್ಸ್ಟೋನ್, ಫೋರ್ಡ್, ಎಡಿಸನ್,
ಮತ್ತೆ ಅವರು ಉಪದೇಶ ನೀಡುತ್ತಲೇ ಇರುತ್ತಾರೆ ಉಸಿರು ನಿಲ್ಲುವವರೆಗೂ, ಅಥವಾ ಏನಾದರೂ
ನೀವೇನಾದರೂ ಅವರಿಗೆ ಬಗ್ಗದಿದ್ದರೆ, ನಿಮಗೆ ಹಸಿವಿನಿಂದ ಸಾಯಿಸುತ್ತಾರೆ, ಅಥವಾ ಇನ್ನೇನಾದರು.
ಇವೆಲ್ಲವೂ ಬಹಳ ಕೊಳಕು ಅಸಭ್ಯನಡತೆಯಲ್ಲಿ ಕೊನೆಯಾಗುತ್ತದೆ:
ಒಂದುವೇಳೆ ನೀವೇನಾದರೂ ಉದ್ಯೋಗ ಮಾಡಲೇ ಬಾರದೆಂದಿದ್ದರೆ,
ನೀವು ಸಾಕಷ್ಟು ಕೆಲಸ ಮಾಡಬೇಕಾಗುತ್ತದೆ, ಬೇಕಾದಷ್ಟು ಹಣ ಗಳಿಸಿ ಮತ್ತೆ ಎಂದೂ ಕೆಲಸ ಮಾಡದಿರಲು.

ಮೂಲ ಕವಿ : ಓಗ್ದೆನ್ ನಾಶ್
ಕನ್ನಡಕ್ಕೆ : ಚಂದಿನ