Jun 18, 2009

ಹನಿಗಳು – 5

- 1 -

ಹೆಂಡ
ಮತ್ತು ಹೆಂಡತಿ
ಇವರಿಬ್ಬರೂ
ಭಾರೀ ಪ್ರಚಂಡರು.
ಯಾವಾಗಲೂ ನನ್ನ
ವಾಲಿಬಾಲಿನಂತೆ
ಆಡಿಕೊಳ್ಳುತ್ತಾರೆ.

- 2 -

ನಾನು
ತಣ್ಣಗೆ, ತೆಪ್ಪಗೆ
ಇದ್ದಿಲಿನಂತೆ ತೂಕಡಿಸುವಾಗ.
ಸುಲಭವಾಗಿ ಕಿಚ್ಚಿನ ಕೆಂಡ ಹಚ್ಚಿದ
ಪ್ರಚಂಡರು
ಮಹಿಳೆ ಮತ್ತು ಮದ್ಯ.

- 3 -

ಗೆಳತಿ
ನೀನೀಗ
ಯಾರನ್ನಾದರೂ
ಪ್ರೀತಿಸು ಅಡ್ಡಿಯಿಲ್ಲ.
ಏಕೆಂದರೆ,
ನಾನಲ್ಲ ಈಗ
ನಿನ್ನ ನಲ್ಲ.

- 4 -

ನಾನೂ
ಸಹ ಸಭ್ಯ.
ಮದ್ಯ ಮತ್ತು ಮಹಿಳೆ
ಕಣ್ಣಿಗೆ ಬೀಳದಿರುವ
ಕ್ಷಣದವರೆಗೆ.

- 5 -

ಕೆಲವರು
ಶೇರುಪೇಟೆ,ಚರ
ಮತ್ತು ಸ್ಥಿರಾಸ್ತಿಗಳಲ್ಲಿ,
ಹಣ ತೊಡಗಿಸಿ
ಸಂತೃಪ್ತಿ
ಹೊಂದುತ್ತಾರೆ.
ನಾನೂ ಸಂತೃಪ್ತ
ಮದ್ಯಪಾನದಿಂದ.

- 6 -

ಬದುಕಲ್ಲಿ
ಏಳು-ಬೀಳು
ಸಹಜವೆಂದು
ಒಪ್ಪಿಕೊಳ್ಳುವೆ.
ಆದರೆ,
ನಾನು ಕುಡಿದು
ಎದ್ದು-ಬಿದ್ದರೆ
ದಡ್ಡಳಂತೇಕೆ
ಅಳುವೆ.

- 7 -

ಕುಡಿತದಿಂದ
ಸಿದ್ಧಿಸುವ ಸುಖ
ಕುಡಿಯದೇ ಬೊಗಳುವ
ದಡ್ಡ ಶಿಖಾಮಣಿಗಳಿಗೆ
ಹೇಗೆ ವರ್ಣಿಸಲಿ
ಪ್ರಭುವೆ.

- 8 -

ಎಷ್ಟೇ
ಕುಡಿದಿದ್ದರೂ
ಕರೆಕ್ಟಾಗಿ ಬಿಲ್ಲು ಕೊಟ್ಟು,
ತಡವಾಗಿಯಾದರೂ ನನ್ನ ಮನೆಗೇ
ತಲುಪುವ ಸಜ್ಜನಿಕೆಯನ್ನು
ಕೇವಲವಾಗಿ
ಕಾಣದಿರಿ
ಆಪ್ತರೆ.

- 9 -

ಕುಡಿತ ಬಹಳ
ಅನಾರೋಗ್ಯಕರ ,
ದುರಭ್ಯಾಸ ಎಂದು
ಪದೇ ಪದೇ ಒತ್ತಿ ಹೇಳುವ
ಶಿಷ್ಟರಿಗೊಂದು ಪುಟ್ಟ ಸಲಹೆ
ವ್ಯರ್ಥವಾಗುವ ಮುನ್ನ
ಒಮ್ಮೆಯಾದರೂ ಕುಡಿದು
ಬದುಕು ಪಾವನವಾಗಿಸಿ.

- 10 -

ದಾರಿ
ತಪ್ಪುವುದಕ್ಕೆ
ನೂರಾರು ಮಾರ್ಗ.
ಮದ್ಯಪಾನವನ್ನೇ
ಎತ್ತಿ ತೋರುವ
ಸಜ್ಜನರ ಹುನ್ನಾರಕ್ಕೆ
ನನ್ನ ತೀವ್ರ ವಿರೋಧ.

No comments: