Jun 13, 2009

ಪ್ರಜಾತಂತ್ರ

ಪ್ರಜಾತಂತ್ರ ಬರಲು ಸಾಧ್ಯವಿಲ್ಲ
ಈ ದಿನ, ಈ ವರ್ಷ
ಅಥವಾ ಎಂದೆಂದಿಗೂ
ಭಯ ಮತ್ತು ಯಾವುದೇ ರಾಜಿಯ ಮೂಲಕ.

ನನಗೆ ಅವರಂತೆ ಸಂಪೂರ್ಣ ಹಕ್ಕಿದೆ
ನಿಂತುಕೊಳ್ಳಲು
ನನ್ನ ಸ್ವಂತ ಕಾಲುಗಳ ಮೇಲೆ
ಮತ್ತೆ ನೆಲ ನನ್ನ ಸ್ವಂತದ್ದಾಗಿಸಿಕೊಳ್ಳಲು.

ನನಗೆ ಜನ ಹೀಗೆ ಹೇಳುವುದು ಕೇಳಿದಾಗ ಬೇಸರವಾಗುತ್ತದೆ,
ಅದರ ಪಾಡಿಗೆ ಆದಾಗ ಆಗಲಿ ಬಿಡಿ ಎಂದು.
ನಾಳೆ ಮತ್ತೊಂದು ದಿನ.
ನನಗೆ ಸ್ವಾತಂತ್ರ್ಯ ಬೇಡ, ನಾನು ಸತ್ತಾಗ.
ನಾಳೆಯ ಊಟದಿಂದ ಇಂದು ಬದುಕಲು ನನಗೆ ಆಗುವುದಿಲ್ಲ.

ಸ್ವಾತಂತ್ರ್ಯ
ದೃಢವಾದ ಬೀಜ
ಭಿತ್ತಿರುವುದು
ಪ್ರಬಲ ಅಗತ್ಯದಿಂದಾಗಿ.

ನಾನೂ ಇಲ್ಲಿ ಬದುಕುತ್ತಿದ್ದೇನೆ.
ನನಗೆ ಸ್ವಾತಂತ್ರ್ಯ ಬೇಕು
ನಿಮ್ಮ ಹಾಗೆ.

ಮೂಲಕವಿ : ಲ್ಯಾಂಗ್ಸ್ಟನ್ ಹ್ಯೂಗ್ಸ್
ಕನ್ನಡಕ್ಕೆ : ಚಂದಿನ

No comments: