Feb 12, 2008

ಪಡೆದ ಶೂನ್ಯ ಪರಮ ಸುಖ

ಸೂರ್ಯ ಕಿರಣ ಸ್ಪರ್ಶಕೆ
ಕಣ್ತೆರೆದವೆಲ್ಲ ಮೆಲ್ಲಮೆಲ್ಲಗೆ
ರೆಕ್ಕೆ ಪುಕ್ಕಗಳೆಲ್ಲ ಕೆದರಿ
ಗೂಡು ಬಿಡುವ ತಯಾರಿ

ನಿಶಬ್ದ ಗಾಢ ನಿದ್ರೆಯಿಂದ
ಶಪಿಸಿ ಶಪಿಸಿ ಬೇಸರದಿ
ಮತ್ತೆ ಹಸಿವ ನೆನಪಿಗೆ
ಮತ್ತೆ ಅವಸರ ಕಾಡಿಗೆ

ಚಿತ್ರಕಲೆ, ವಿಚಿತ್ರ ಬಲೆ
ಈ ನಿತ್ಯ ಕದನ ನಿಗೂಢ
ಕಾಣದಿಲ್ಲಿ ಶತ್ರು ಸೈನ್ಯ
ಸುಳಿವಿಲ್ಲದ ಸುಳಿಗೆ ಸಿಲುಕಿ

ಅಸ್ಪಷ್ಟದ ಅಬ್ಬರಕ್ಕೆ ತತ್ತರಿಸಿ
ಕುರುಡು ಹುಡುಕಾಟ ತ್ಯಜಿಸಿ
ಅರಿತೆ ಇದುವೆ ನರಕ, ನಾಕ
ಪಡೆದ ಶೂನ್ಯ ಪರಮ ಸುಖ

No comments: